Мөфтинең “Ислам. 75 дәрес” китабы татар телендә чыкты

ислам 75 дэрес

Нәзарәтнең “Хозур” нәшрият йорты, үз укучыларын сөендереп, Татарстан мөфтие Камил хәзрәт Сәмигуллинның зур популярлык казанган “Ислам в 75 уроках” китабының татарча вариантын – “Ислам. 75 дәрес” китабын бастырып чыгарды. Күпләгән халыкның үтенечен исәпкә алып, нәшрият китапны татар теленә тәрҗемә итте. Җиңел, аңлаешлы телдә язылган бу хезмәт киң катлам укучыларга адреслана – биредә ислам турында бик күп файдалы мәгълүмат табарга мөмкин. Китапта бирелгән мәгълүмат кыска һәм төгәл.

Басма Ислам диненә бәйле һәм һәрбер мөселманга кирәк булган белемнәрне (гакыйдә, гыйбадәт, әхлак, гомуми мәдәният, тәҗвид, пәйгамбәрләр тарихы һәм сира) үз эченә ала һәм аеруча исламны яңа гына кабул итүчеләр өчен файдалы булып тора. Ул Шәригать хөкемнәре, пәйгамбәрләр тарихы, Ислам диненә бәйле әдәп-әхлак, шулай ук Аллаһы Тәгаләнең боерыклары һәм тыюлары белән таныштыра торган беренче белешмәлек; ә дини гыйлемнәре булган мөселманнар өчен тормыш-көнкүрешләрендә, мөгаллимлек эшчәнлекләрендә практик кулланма булачак.

Ислам турында татарча иркенләп сөйләшик! Инде бик күпләр бу китапның тәрҗемәсен сораганнар иде. Һәм, Аллаһка шөкер, укучыларыбызның күпсанлы соравы буенча, ТҖ мөселманнары диния Нәзарәтенең “Хозур” нәшрият йорты “Ислам в 75 уроках” китабының татарча вариантын – “Ислам. 75 дәрес” – тәкъдим итә. Әлеге китапның авторы буларак, сезгә бу хезмәт файдалы булыр дип өметләнәм.
Әлеге китап Ислам диненә бәйле һәм һәрбер мөселманга кирәк булган белемнәрне (гакыйдә, гыйбадәт, әхлак, гомуми мәдәният, тәҗвид, пәйгамбәрләр тарихы һәм сира) үз эченә ала. Яңа гына Ислам динен кабул итүчеләр өчен бу китап Шәригать хөкемнәре, пәйгамбәрләр тарихы, Ислам диненә бәйле әдәп-әхлак, шулай ук Аллаһы Тәгаләнең боерыклары һәм тыюлары белән таныштыра торган беренче белешмәлек; ә дини гыйлемнәре булган мөселманнар өчен тормыш-көнкүрешләрендә, мөгаллимлек эшчәнлекләрендә практик кулланма булачак. Китап киң катлам укучыларга аңлаешлы җиңел телдә язылган, анда бирелгән мәгълүмат кыска һәм төгәл.

Камил хәзрәт Сәмигуллин Татарстан мөфтие

“Ислам. 75 дәрес” китабын “Хозур” нәшрият йорты кибетләрендә сатып алырга һәм җир йөзенең теләсә кайсы почмагыннан заказ бирергә мөмкин.

Кибет: Казан шәһ., Тукай ур., 36нчы йорт. Тел.: +7 960 072-74-63;
Склад: Казан шәһ., Газовая ур., 14нче йорт. Тел.: +7 (966) 250-00-09;
Интернет-кибет: huzurshop.ru (http://huzurshop.ru/).

▼ ПОДЕЛИТЬСЯ ЗАПИСЬЮ ЧЕРЕЗ СОЦ. СЕТИ ▼