Әхмәтҗанов Фәһим Сафатдин улы

Фәһим хәзрәт Әхмәтҗанов – Әлмәт шәһәре һәм районы мөхтәсибе, Татарстанның (Чирмешән, Әлмәт, Зәй, Мөслим, Сарман) көнчыгыш төбәге казые, Әлмәт ислам мәдрәсәсе директоры.

1979 елның 3 октябрендә Буа районы Карлы авылында дөньяга килә. Милләте буенча татар.

1985-1994 елларда Карлы урта мәктәбендә укый.

1994-1996 елларда Буа шәһәренең Вахитов исемендәге мәктәп-гимназиясендә белем ала.

1996-1998 еллар – Казандагы “Мөхәммәдия” мәдрәсәсе шәкерте.

1998-2001 елларда Төркиядә коръән-хафизлыкка укый.

2002-2003 еллар – Буа мәдрәсәсендә мөгәллим.

2004-2008 еллар – Чүпрәле районы Иске Кәкерле авылы “Самат” мәчетендә имам-хатыйб. Мәчет каршындагы «Самат» мәдрәсәсе җитәкчесе.

2008 елда Лаеш авыл хуҗалыгы техникумын тәмамлый.

2007 елдан – ОАО «Ак Барс Дрожжаное» агрофирмасында системный администратор, программист булып эшли һәм бер үк вакытта дин юлында да хезмәт куя.

2007-2012 елларда Рәсәй Ислам институтының шәригать факультетын тәмамлый.

2008-2013 елларда Чүпрәле районы имам-мөхтәсибе вазифасын башкара.

2011-2013 еллар – Татарстанның көньяк-көнбатыш төбәге казые.

2013-2018 елларда читтән торып Рәсәй Ислам институтының теология факультетын тәмамлый.

2013 елдан Әлмәт шәһәре һәм районы имам-мөхтәсибе, Әлмәт ислам мәдрәсәсе директоры, Татарстанның көнчыгыш төбәге казые.

Гаилә хәле: өйләнгән, 3 баласы бар.

Татар, рус, төрек һәм гарәп телләрен белә.